Shumica e refugjatëve ukrainas duan të qëndrojnë në vendet e BE-së

Sondazhi është kryer nga mesi i majit deri në mes të qershorit.

Rreth dy të tretat e refugjatëve nga Ukraina presin të qëndrojnë në vendet e tyre pritëse derisa armiqësitë të zvogëlohen dhe situata e sigurisë të përmirësohet pas pushtimit të Rusisë.

Kjo e dhënë ka dalë pas një studimi i agjencisë së refugjatëve të Kombeve të Bashkuara UNHCR.

Shumica e refugjatëve nga Ukraina, kryesisht gra dhe fëmijë, shpresojnë të kthehen në shtëpi përfundimisht, sipas sondazhit të rreth 4,900 njerëzve nga Ukraina që tani jetojnë në Republikën Çeke, Hungari, Moldavi, Poloni, Rumani dhe Sllovaki.

Nga ata që kërkonin të ktheheshin, 40% planifikonin ta bënin këtë në muajin e ardhshëm, tha UNHCR.

“Ata janë të shqetësuar për t’u ribashkuar me miqtë dhe familjen dhe shqetësohen për ata që kanë mbetur prapa. Shumica duan të presin derisa armiqësitë të jenë qetësuar,” thuhet në raportin e publikuar të mërkurën, transmeton euronews, përcjell Albinfo.ch.

UNHCR thotë se më shumë se 5.6 milionë refugjatë janë regjistruar tani në të gjithë Evropën, me afro 8.8 milionë njerëz që kanë kaluar nga Ukraina dhe gati 3.3 milionë janë kthyer përsëri që nga pushtimi rus më 24 shkurt.

 

---