Si do ta presin kantonet zvicerane vendimin për dozën e tretë të vaksinimit

Zvicra mund të njoftojë se vaksinat përforcuese së shpejti do të jenë të disponueshme për të gjithë njerëzit mbi moshën 12 vjeç që kanë marrë dozën e dytë të paktën gjashtë muaj më parë, përcjell albinfo.ch.

Ky vendim pritet të ushtrojë presion të mëtejshëm mbi kantonet, por ata janë në lartësinë e detyrës, sipas Gundekar Giebel, menaxher i komunikimit për departamentin e shëndetësisë në Bernë. “Logjistika është më e lehtë këtë herë, sepse vaksinimi i tretë nuk kërkon dy takime”, tha ai.

Tobias Bär, zëdhënës i Konferencës së Drejtorit të Shëndetit Kantonal, tha gjithashtu se kantonet janë gati të plotësojnë edhe kërkesën masive për përforcues.

“Ndryshe nga fillimi i fushatës së vaksinimit një vit më parë, këtë herë do të ketë më pak presion”. Këtë mënyrë popullata nuk do të ketë hezitim për marrjen e dozës së tretë dhe duke u bazuar nga disa fakte, kantonet do ta mirëpresin këtë vendim, pavarësisht se mund të ketë pakënaqësi nga disa.