Si ndikon të nxehtit te njerëzit dhe kush është më i rrezikuar?

Temperaturat e larta kanë përfshirë pjesën më të madhe të globit.

Moti i nxehtë në Shtetet e Bashkuara, Evropë dhe Azi konsiderohet i nxehtë si asnjë herë më parë, ku në javën e parë të korrikut u regjistruan rekorde të reja të temperaturave.

I nxehti mund të ndikojë te secili, mirëpo disa grupe janë më të cenueshme, sikurse të moshuarit dhe foshnjat, shkruan Radio Evropa e Lirë.

Çfarë i bën i nxehti ekstrem trupit tonë?

Teksa trupi bëhet më i nxehtë, nisin të hapen enët e gjakut që rezulton me tension më të ulët të gjakut dhe e bën punën e zemrës më të vështirë.

Kjo shkakton simptoma të lehta si kruarjet apo këmbët e ënjtura.

Po ashtu edhe djersitja ndikon në humbjen e lëngjeve, duke ndryshuar edhe balancën e trupit.

E këto simptoma janë:

marramendje

të përziera

të fikët

ngërçe të muskujve

dhimbje koke

djersitje e madhe

lodhje

lëkurë e zbehtë

Nëse tensioni i gjakut bie shumë shpejt, rritet rreziku për sulm zemre.

Si të mbroheni?

Qendrat për Parandalimin dhe Kontrollin e Sëmundjeve në mbarë botën rekomandojnë:

Vishni rroba të përshtatshme që janë të lehta dhe të gjera.

Qëndroni në vende me kondicionerë, sa të keni mundësi. Nëse shtëpia juaj nuk ka kondicionerë, shkoni në qendër tregtare apo në biblioteka publike.

Mund ta telefononi edhe departamentin lokal shëndetësor për të parë nëse kanë vende të lira për t’i ikur vapës.

Kufizojeni aktivitetin në ambiente të jashtme apo ndërrojeni orarin kur është më freskët.

Pini shumë lëngje dhe mos pini shumë alkool.

Qëndroni në hije, përdorni krem kundër diellit me mbrojtës të lartë dhe vendosni kapele me mbulim të gjerë.

Keni kujdes që t’iu ndihmoni atyre që kanë nevojë, personave të moshuar, atyre që kanë ndonjë sëmundje, apo atyre që jetojnë vetëm, shkruan Radio Evropa e Lirë.

Një studim tregon se i nxehti vrau mbi 61.000 persona në Evropë vitin e kaluar, përcjell albinfo.ch.

 

---