Si e ‘blejnë’ të drejtën për të jetuar në Zvicër rusët e pasur ?

Korniza e vizave zvicerane është krijuar në atë mënyrë që të pasurit mund të lëvizin në Zvicër pa punësim aktiv ose lidhje familjare.

Pushtimi i Ukrainës ka hedhur më shumë dritë mbi mënyrën se si pasuria ruse hap dyert në mbarë botën, duke përfshirë të drejtën për të jetuar në Zvicër, njofton albinfo.ch.

Për ata që janë jashtë Bashkimit Evropian, lëvizja në Zvicër mund të jetë relativisht e vështirë pa një ofertë pune ose një lidhje të ngushtë familjare.

Megjithatë, korniza e vizave zvicerane është krijuar në atë mënyrë që të pasurit mund të lëvizin në Zvicër pa punësim aktiv ose lidhje familjare.

Gazeta zvicerane Watson raporton se 362 persona kanë përfituar nga skema e vizave, 172 prej të cilëve janë me origjinë ruse.

Si e blejnë lejen e qëndrimit rusët e pasur dhe të huajt jo-BE?

Ka shumë mënyra se si të huajt e pasur mund të lëvizin në Zvicër.

Kjo përfshin blerjen e një kompanie zvicerane, investimin në një kompani zvicerane ose hapjen e një filiali të një kompanie tjetër në Zvicër, së bashku me blerjen e pasurive të paluajtshme që gjenerojnë vende pune dhe të ardhura.

Neni 30 i ligjit i lejon njerëzit të shpërngulen në Zvicër nëse bien dakord për taksimin me ‘normë të sheshtë’, ku ata paguajnë tatimin mbi shpenzimet e tyre dhe jo të ardhurat e tyre.

Ndërsa sistemi i lejon njerëzit të lëvizin në shumicën e pjesëve të Zvicrës, ata që përdorin një vizë të Nenit 30 priren të qëndrojnë kryesisht në Gjenevë, Ticino, Bernë, Vaud dhe Zug me taksa të ulëta.

Avokati i taksave Christopher Steckel i tha gazetës zvicerane Watson se Zvicra dhe kantonet e saj përfitojnë financiarisht nga ky program.

“Ky sistem është praktikisht nënprodukt i globalizimit. Njerëzit, familjet dhe pasuria nuk qëndrojnë më në një vend”.

“Sigurisht, një vend përfiton kur të pasurit lëvizin, blejnë shtëpi, dërgojnë fëmijët e tyre në shkolla private, hanë jashtë dhe në përgjithësi shpenzojnë shumë para”.

Megjithëse shuma e saktë mbi të cilën duhet të taksohet një person nuk është e qartë, ekspertët vlerësojnë se ajo fillon nga 500,000 franga.

Anëtarët e të Gjelbërve, Social Demokratët dhe GLP kanë bërë thirrje për shfuqizimin e rregullit. /Albinfo.ch.

---