Si zvogëlohen kilometrat e veturave në Kosovë

Tetë persona janë ndaluar, duke u dënuar me nga 5 mijë euro gjobë

Dogana e Kosovës informon të gjithë qytetarët se është duke hasur në raste kur kilometrat e veturave të përdorura rriten me qëllim të tentimit të pagesës më të ulët.

Kodi doganor i Kosovës neni 276 pika për shkak të shmangieve në detyrimet doganore aplikon gjoba financiare ndaj personave që i kanë paraqitur për zhdoganim veturat, thuhet në njoftim, përcjell albinfo.ch.

Gjatë javës së kaluar si dhe gjatë kësaj jave (26.08.2019 deri 04.09.2019) ka identifikuar 8 raste të veturave (që të gjitha janë penalizuar me rreth 5,000€ gjoba), të cilat janë paraqitur për zhdoganim, ku pas verifikimit te kilometrave, janë identifikuar se kemi të bëjmë me mashtrim në kilometra (kanë deklaruar më shumë kilometra se sa që realisht i ka vetura).

Dogana e Kosovës-Sektorët përkatës do të vazhdojnë të bëjnë verifikimin e kilometrazheve të kaluara të veturave që do të zhdoganohen, prandaj i bëjmë apel te gjithë qytetarëve, që mos të bien pre e personave te pa ndërgjegjshëm, të cilët munden edhe ti ofrojnë ofertat për manipulime të kilometrazhit të veturës, me qëllim shmangieje nga detyrimet doganore sepse gjobat dhe taksat doganore prapë do ti paguan qytetari që e zhdoganon veturën, thuhet tutje në njoftim.

 

---