Siguria ushqimore botërore, në rrezik

Nuk janë sanksionet që po sjellin keqfunksionime serioze të sigurisë ushqimore botë, por  është lufta, tha ministri i jashtëm francez

Duhet të merremi seriozisht me sfidën e sigurisë ushqimore botërore, deklaroi ministri i Jashtëm francez, Jean-Yves Le Drian, përcjell Albinfo.ch.

”I njohim hapësirat e prodhimit të grurit në Ukrainë dhe Rusi si edhe pasojat e luftës, thënë ndryshe pamundësinë për të mbjellë, për të korrur dhe për të eksportuar”, shtoi ai.

”Nuk janë sanksionet që po sjellin keqfunksionime serioze të sigurisë ushqimore në botë, por  është lufta. Është lufta ajo që do të mund të sjellë nesër rrezikun e urisë”, theksoi Le Drian, transmeton Ansa.

”Ne evropianët duhet ta përballojmë shumë shpejt këtë situatë të re, së bashku me partnerët tanë, agjencitë, organizatat ndërkombëtare dhe OJQ-të për të parandaluar që lufta të shkaktojë një krizë shumë të rëndë botërore ushqimore”, tha ministri i Jashtëm francez, Jean-Yves Le Drian.

---