Sindrit Vokshi nuk arriti të fitojë garën, Cosmo do të përfaqësojë Austrinë në Festivalin e Këngës në Eurovision në Vjenë

Me këngën “Tanzschein”, Cosmo fitoi në konkursin “Vienna Calling” ndaj 11 kandidatëve të tjerë. Pjesë e kësaj gare, ishte edhe artisti shqiptar, Sidrit Vokshi.

Cosmo, 19-vjeçar, do të përfaqësojë Austrinë në Festivalin e 70-të të Këngës Eurovision në Vjenë. Këngëtari vjenez arriti të fitojë kundër njëmbëdhjetë konkurrentëve të premten në mbrëmje në shfaqjen e ORF “Vienna Calling”. Me këngën elektro-dance “Tanzschein”, Cosmó do të jetë në finalen e madhe të garës më të madhe muzikore në Evropë, më 16 maj në “Wiener Stadthalle”, shkruan albinfo.at

Pjesë e kësaj gare, ishte edhe këngëtari shqiptar me banim në Austri, Sidrit Vokshi. Ai konkuroi me këngën “Wenn ich rauche”, një këngë që sipas tij shpreh një dhimbje personale dhe flet për ndarjen e tij nga e dashura. Kritikët por edhe mediat austriake e vlerësuan lartë talentin shqipta dhe këngën e tij, por duket që vota e publikut ishte vendimtare që ai mos të merr “bileten” për të përfaqësuar Austrinë në Eurovision që këtë vit do të mbahet pikërisht në kryeqytetin austriak.