Fondacioni gjerman: 285 mijë të rinj planifikojnë të ikin nga Shqipëria

Foto Ilustrim

Fonacioni gjerman Friedrich Ebert për Edukimin e të Rinjve në Europën Juglindore ka bërë një hulumtim, sipas të cilit 285 mijë shqiptarë planifikojnë të ikin nga vendi në vitet në vijim, shumica prej të cilëve janë të rinj. Sipas këtij hulumtimi, 26 për qind kanë pohuar se dëshirojnë të emigrojnë në Gjermani, 18 për qind në Britani, 16% në Itali dhe pjesa tjetër në vende të tjera.

Sipas përqindjeve të përgjithshme, shqiptarët janë të dytët që duan të ikin, pas rumunëve (358 mijë), por në nivelin total për të rinjtë që duan të emigrojmë zënë vend rekord, me 40% të të rinjve që preferojnë të largohen nga vendi.

Studimi për edukimin e të rinjve vë në dukje se vala e emigracionit ndër të rinj ka nisur rënien në shumë vende të Europës Juglindore, por ai mbetet i lartë në rajonin e Ballkanit dhe sidomos në Shqipëri, përcjell albinfo.ch.