Siriani traumatizon Vjenën

Sipas kalimtarëve të rastit të cilët e njihnin gjuhën arabe, djaloshi përmes kësaj skene në një mënyrë ka protestuar për gjendjen në Siri dhe Palestinë

Një azilkërkues sirian që me sa duket kishte çrregullime mendore, ka traumatizuar gjatë ditës së sotme qytetarët në Vjenë.

21 vjeçari i cili fliste në gjuhën arabe është parë të shtunën paradite në  Favorite të Vjenës duke u ngjitur përmbi vetura të kalimtarëve dhe mbi një tramvaj.

Ai kishte një valixhe me vete dhe thërriste në gjuhën arabe: “Nuk jam terrorist”!, shkruan heute.at, përcjell “albinfo.ch”.

Siç shihet edhe në video e cila është duke u shpërndarë me të madhe si nga mediat austriake ashtu edhe në rrjetet sociale, ai fillimisht shtrihet para një tramvaji, pastaj ngjitet lart mbi të, ndërkohë kërcen për t`u kapur në telat e rrymës në të cilën lëviz tramvaji, ndonëse për shkak të lartësisë së telave nuk arrinte të kapet.

Sipas kalimtarëve të rastit të cilët e njihnin gjuhën arabe, djaloshi përmes kësaj skene në një mënyrë ka protestuar për gjendjen në Siri dhe Palestinë.

Prangoset nga policia

Situata u qetësua vetëm kur aty arriti policia. Shtatë policë e shtrinë përtokë protestuesin dhe e prangosën. Pas kësaj, gjendja në Absberggasse dhe Quellenstraße u normalizua.

Gjendja thuhet se ka qenë shumë e frikshme nga kalimtarët në rrugë, ndërkohë të gjithë veturat dhe tramvajet janë ndalur gjatë asaj kohe, por fatmirësisht e gjithë kjo situatë ka kaluar pa asnjë pasojë.

https://mail.google.com/mail/u/0/#inbox/157c96bdbbba2b37