Lajme

Situatë dramatike me COVID-19 në Kosovë, qeveria mbledh nesër drejtuesit e shëndetësisë

E shtunë, 4 Korrik 2020 - 21:28 albinfo.ch

Pas konfirmimit të 6 vdekjeve vetëm brenda 24 orëve dhe shtimit të rasteve në ditët e fundit, kryeministri Avdullah Hoti, do të zhvillojë nesër një takim me krerët e institucioneve shëndetësore në vend, njofton albinfo.ch

Kjo është bërë e ditur përmes një njoftimi nga Zyra e Kryeministrit, e cila ka njoftuar se nesër në ora 13:00.

“Kryeministri Avdullah Hoti pret në takim drejtuesit e institucioneve shëndetësore. VENDI: Ndërtesa e Qeverisë. KOHA: 13:00. Pas takimit do të ketë konferencë për media”, thuhet në njoftim.

Në Kosovë ka shkuar në 64 numri i viktimave me COVID-19, janë infektuar 3 mijë e 178 persona, ndërsa janë shëruar 1 mijë e 824.