Smajlët festojnë 50 vjetorin e martesës, me 30 nipa e stërnipa

Dje, në rrethin “e ngushtë” prej gjashtë fëmijësh të përbashkët, 27 nipave e mbesave dhe tre stërnipave, çifti ka festuar 50 vjetorin e martesë, ose siç thuhet, “dasmën e artë"

Në vitin 1969 Niman Smajli, sot 69 vjeç, emigron në Gjermani. Dje, në Hohenlimburg ai ka festuar bashkë me gruan e tij, Buten (67 vjeçe) jubileun 50 vjeçar të martesës.

Prindërit e tij kanë pasur “nuhatjen” e duhur, pasi që, siç thotë Niimani, ata ia kishin zgjedhur bashkëshorten që ka sot ende pa qenë të lindur asnjëri!. Në moshën 5 vjeçare ata tashmë ishin të fejuar nga prindërit, pa ditur gjë për këtë, si fëmijë që ishin. Në shkollë ata nuk kishin folur pothuajse kurrë njëri me tjetrin dhe kështu kishte vazhduar deri në martesë. Kurorën e kishin lidhur kur Nimani ishte 19 e Butja 17 vjeçe.

“Dashuria na është pjekur me kalimin e kohës” thotë çifti i stërlumtur , i cili në fillim të jetës së përbashkët pati kaluar nëpër vështirësi të shumta. Nimani ka ardhur si “gastarbajter” në Gjermani, ka punuar në qytete të ndryshme, për firma të ndryshme. Si zdrukthëtar dhe hekurpunues i kualifikuar ai e kishte ndjerë veten shumë rehat në Hohenlimburg, shkruan derwesten.de

Kishin kaluar 11 vjet derisa kishte sjellë bashkëshorten në Gjermani. Gjatë bashkëjetesës së tyre martesore ata kanë bërë shumë udhëtime. Disa prej tyre në SHBA, pasi që një pjesë e familjes Smajli jeton atje.

Dje, në rrethin “e ngushtë” prej gjashtë fëmijësh të përbashkët, 27 nipave e mbesave dhe tre stërnipave çifti ka festuar 50 vjetorin e martesë,  ose siç thuhet, “dasmën e artë”.

Me këtë rast Smajlët janë vizituar nga kryetari i qarkut, Hermann Josef Woos, i cili u ka uruar atyre jubileun e madh.