Soltenberg optimist për fillimin e bisedimeve për anëtarësim të Maqedonisë

“Pres dhe shpresoj që udhëheqësit e NATO-s në samit të vendosin për nisjen e bisedimeve të pranimit”, tha Stoltenberg.

Sekretari i përgjithshëm i NATO-s, Jens Stoltenberg, është optimist dhe shprehu gatishmërini që të fillohen negociatat për pranimin e Maqedonisë në NATO gjatë samitit të 11 dhe 12 korrikut, informon albinfo.ch.

“Pres dhe shpresoj që udhëheqësit e NATO-s në samit të vendosin për nisjen e bisedimeve të pranimit”, tha Stoltenberg.

Çbllokimi i integrimeve euro-atlantike të Shkupit zyrtar vjen pas shumë vitesh, pasi më në fund u zgjidh kontesti i emrit me Athinën.

Greqia ka kërkuar prej kohësh që fqinji i saj verior të mos e përdorë emrin Maqedoni, duke argumentuar se një gjë e tillë sugjeron irredentizëm ndaj provincës së saj veriore që mban po të njëjtin emër.