Sommaruga: Zvicra nuk heq dorë nga Konventa Evropiane për të Drejtat e Njeriut

Në historinë e derisotme ka ndodhur vetëm njëherë që të hiqet dorë nga Konventa Evropiane për të Drejtat e Njeriut dhe kjo është bërë nga Greqia, pas puqit ushtarak gjegjësisht diktaturës në vitet `70 të shekullit të kaluar. Kështu ka deklaruar ministrja zvicerane e drejtësisë Simonetta Sommaruga, në dritën e debateve për iniciativën e dëbimit.

Ajo ka theksuar në një intervistë dhënë gazetës «Le Temps» se edhe në rast se «Iniciativa…» fiton, dmth votohet nga populli, Zvicra nuk guxon të hjekë dorë nga Konventa Evropiane për të Drejtat e Njeriut. Kjo, përkundër faktit se një gjë të tillë do ta nënkuptonte pranimi i iniciativës për dëbim.

Ne në fakt edhe sot e kemi një ndër legjislacionet më të ashpra në Evropë sa i përket dëbimit të të huajve, ka shtuar ajo.

Kundërshtarët e «Iniciativës…» e shohin në rrezik mbrojtjen juridike të individëve nga rreziku i arbitraritetit të shtetit në rast fitoreje të saj. Në atë rast ligji nuk do të vlejë njësoj për të gjithë dhe, në rast pranimi të iniciativës, Zvicra mbase do të duhet të heqë dorë nga Konventa Evropiane për të Drejtat e Njeriut