Sonte nis numërimi i votave të mërgatës

Zëdhënësi për medie në Komisionin Qendror të Zgjedhjeve (KQZ), Valmir Elezi, ka konfirmuar për mediat kosovare  orën se kur do të nisë numërimi i votave të aprovuara nga Gjykata Supreme.

Ai tha se do të vlerësohen pakot e supozuara me fletëvotime, ndërsa sot në QNR në ora 21 do të fillojë numërimi i votave të aprovuara. “Me qëllim të zbatimit të aktgjykimit të Gjykatës Supreme do të fillojmë me procesin e vlerësimit të pakove të supozuara me fletëvotime”, përcjell albinfo.ch.

“Pas këtij procesi, sonte në QNR (e martë, 5 nëntor, ora 21:00) do të fillojmë me numërimin e fletëvotimeve të aprovuara”, tha Elezi.