Spitalet zvicerane me ‘të meta’, kërkohen përmirësime

(KEYSTONE/Anthony Anex)

Swissmedic gjeti mangësi në vitin 2023 gjatë inspektimeve vjetore të spitaleve në të gjithë vendin. “Ka potencial për përmirësim,” dhe duhet të merren masa, tha autoriteti.

“Inspektimet kanë theksuar edhe një herë nevojën për veprim në të gjitha fushat e inspektuara, veçanërisht në lidhje me menaxhimin e cilësisë, mirëmbajtjen dhe trajnimin fillestar dhe të vazhdueshëm të personelit të përfshirë,” shkroi Swissmedic të hënën.

Progres duhet të bëhet edhe në infrastrukturën e shërbimeve të ripërpunimit, transmeton albinfo.ch. Nga 280 spitalet në vend, 25 janë inspektuar vitin e kaluar për të kontrolluar “pajisjet mjekësore”. Mangësitë e konstatuara kanë pasoja në sigurinë e aparateve dhe në fakt të pacientëve, thuhet në njoftimin për shtyp.

Të metat e vërejtura “konfirmojnë problemet e identifikuara tashmë në 2021/2022, dhe ende nuk është vërejtur tendencë drejt një përmirësimi të konsiderueshëm të cilësisë”, paralajmëron Swissmedic.

Masat përmirësuese

“Është thelbësore që spitalet të zbatojnë masa përmirësimi në përputhje me kërkesat ligjore”, vijon autoriteti i kontrollit dhe autorizimit. Janë krijuar “praktika të mira”, të cilat duhet të ndihmojnë spitalet të përparojnë në drejtim të menaxhimit cilësor të vigjilencës.