Spiuni i Bankës Sarasin duket se ka tentuar të vetëvritet

Afera Hildebrand

Ish-punonjësi i Bankës Sarasin, i cili paraqiti dokumentet në lidhje me kryetarin e BNS-së, duket së ka tentuar t’i japë fund jetës së tij.

Ish-punonjësi e Bankës Sarasin, i cili është në thelb të aferës Hildebrand, thuhet se është duke përjetuar shumë keq stuhinë që ka shkaktuar. Shtypi i së dielës raporton se spiuni në fjalë është vendosur në repartin psikiatrik, pasi që madje u përpoq t’i japë fund jetës së tij, pohon gazeta “Sonntags Zeitung”.

Informatori 39-vjeçar thuhet se vuan nga depresioni nervor, bën të ditur gazeta “Der Sonntag”.

Pasi që i kishte dorëzuar dokumentet bankare një avokati të afërt me SVP/UDC-në në lidhje me presidentin e Bankës Kombëtare të Zvicrës (BNS), Hildebrand Philipp, i lartpërmenduri ka shkuar në policinë kantonale menjëherë pas shkarkimit të tij nga puna.

Sipas medieve, ai ka vuajtur nga paqëndrueshmëria mendore edhe në të kaluarën.

Sipas “SonntagsZeitung”, njeriu në fjalë ka tentuar madje edhe vetëvrasje. Ky informacion bazohet në “disa burime të pavarura”, ndërsa policia kantonale në Thurgau nuk e ka konfirmuar lajmin, por edhe nuk e ka mohuar.

Informatori është shkarkuar nga puna më 3 janar dhe dy ditë më vonë është denoncuar pranë prokurorisë së Cyrih-ut, e cila ka nisur po të njëjtën ditë hetimet penale për shkelje të sekretit bankar.