Steinmeier: Putin nuk ia doli të përçajë Perëndimin

"Përkundrazi, ai ka mobilizuar forcën e brendshme të demokracive tona, ka forcuar vullnetin tonë për t'u mbrojtur kundër kërcënimeve"

Presidenti gjerman Frank-Walter Steinmeier i ka bërë thirrje NATO-s dhe BE-së që të vazhdojnë të qëndrojnë të bashkuar kundër agresionit rus, në luftën në Ukrainë, shkruan dpa.de.

“Uniteti dhe bashkërendimi i NATO-s dhe Bashkimit Evropian janë çelësi i forcës sonë,” tha Steinmeier gjatë një vizite në grupin luftarak të NATO-s të udhëhequr nga Bundeswehr-i gjerman në Lituani.

Presidenti rus Vladimir Putin nuk arriti të përçajë Perëndimin, transmeton albinfo.ch. “Përkundrazi, ai ka mobilizuar forcën e brendshme të demokracive tona, ka forcuar vullnetin tonë për t’u mbrojtur kundër kërcënimeve”.

Është e rëndësishme të ruhet ky unitet. “Për fat të keq, aktualisht nuk ka asnjë indikacion se lufta do të përfundojë së shpejti. Ne do të kemi nevojë për fuqi të qëndrueshme – dhe do ta kemi atë”, është shprehur  Steinmeier.

---