Studentët gjermanë mësojnë në strehimore refugjatësh

Sipas statistikave të fundit, numri i azilkërkuesve në Gjermani është rritur me rreth 80 për qind nga viti i kaluar

Gjithnjë e më shumë refugjatë vijnë në Gjermani. Sipas statistikave të fundit, numri i azilkërkuesve në Gjermani është rritur me rreth 80 për qind nga viti i kaluar. Kjo është veçanërisht një sfidë e madhe për punëtorët  sociale.

Refugjatët duhet të integrohen më mirë në qytete për të shmangur tensionet sociale. Për këtë, punëtorët  socialë duhet të punojnë së bashku me autoritete të ndryshme gjermane dhe ta njohin ligjin e komplikuar gjerman të azilit dhe të drejtës sociale.

Universitetet gjermane tani duan të përgatisin më mirë studentët e tyre. Afërsia e drejtpërdrejtë me azilkërkuesit mund të jetë vetëm e dobishme për ata.

“”Mundësitë dhe kufizimet e punës sociale në kontekstin e politikës restriktive të azilit”, quhet seminari që aktualisht po mbahet në shtëpinë e refugjatëve në Berlin.

Sigurisht që në kurs janë të mirëpritur edhe banorët. Megjithatë këtë ofertë e shfrytëzojnë vetëm pak prej tyre.

“Njerëzit këtu natyrisht që kanë probleme të tjera më të rëndësishme”, thotë një pedagoge, Nivedita Prasad.

Prandaj, në kuadër të kursit kemi një shkëmbim shumë të gjallë të përvojave. Kjo për faktin se shumë prej studentëve kanë vetë sfondin emigranti, ata sjellin me vete një shumëllojshmëri të aftësive gjuhësore.

 Disa prej tyre mund të komunikojnë rrjedhshëm në gjuhën turke, ruse ose arabe me refugjatët.

Në këtë mënyrë dalëngadalë janë krijuar kontakte intensive që janë në të mirë të të gjithëve.

“Ne mësojmë këtu shumë gjëra, se si janë kushtet e jetesës dhe të drejtat e refugjatëve”, shpjegon një studente, transmeton  DW.

 Studentët mësojnë, për shembull, se kush ka të drejtë që në bazë të Konventës së Gjenevës të kërkojë azil dhe që njerëzit që u pranohet e drejta e refugjatit kanë të drejtë që pas tre muajsh të sjellin në Gjermani edhe familjen e tyre.

Situata e azilkërkuesve ka ndikuar tek Susanne që ajo tani të angazhohet në iniciativën studentore “Heqja e kufijve”.

Anëtarët e kësaj iniciative shoqërojnë refugjatët tek autoritetet gjermane, organizojnë turne të përbashkëta të futbollit ose takohen me banorët e shtëpisë së refugjatëve për bisedë dhe kafe.

Por nuk janë vetëm studentët ata që mësojnë në mjedisin e pazakontë.

“Unë gjithashtu gjithmonë korigjojë paragjykimet e mia”, thotë Nivedita Prasad.

Ajo është impresionuar për shembull nga një bashkëbisedim me banorët, në të cilin temë ishin dëshirat e tyre.

Shumica e tyre thoshin se ata shpresojnë për paqe dhe kthimin në atdheun e tyre.

 “Unë nuk e kisha pritur kurrë një gjë të tillë”, e pranon profesoresha Prasad.

Në semestrin e fundit, 300 studentë kanë marrë pjesë në seminaret e Universitetit Alice- Salomon të organizuara në strehimoren e refugjatëve.

 Ideja e mirë është përhapur shpejt.

 Ndërkohë, ka edhe institucione të tjera arsimore të cilat mbajnë mësim në kampet e refugjatëve në vende të tjera në Gjermani.

/DW/

 

---