Studim i ri: Omicron ka prejardhjen nga minjtë

Pixabay - fernando zhiminaicela

Varianti Omicron, i identifikuar në nëntor 2021 dhe dominues në mbarë botën në vetëm disa muaj, mund të ketë origjinën tek minjtë, sipas një studimi të kryer nga studiues në Universitetin e Minesotës dhe të publikuar në revistën e Akademisë Kombëtare të Shkencave të SHBA (PNAS).

Omicron tërhoqi menjëherë vëmendjen e studiuesve për shkak të numrit të lartë të mutacioneve (rreth 50) që karakterizojnë gjenomin e tij në krahasim me variantet e mëparshme.

Kjo karakteristikë i jep, ndër të tjera, një ngjitje të lartë dhe aftësi për të shmangur përgjigjen imune.

“Hipotezat mbi origjinën e Omicron janë të shumta, por provat eksperimentale janë ende të pakta”, komentuan autorët e studimit, të cilët u përpoqën të rindërtonin origjinën e mundshme të variantit duke studiuar korrespondencën midis strukturës së një pjese të Spike, proteina Omicron (i ashtuquajturi domen lidhës i receptorit ose RBD) me atë të receptorëve ACE të njeriut dhe të miut, transmeton dpa, përcjell Albinfo.ch.

Duke u fokusuar në katër mutacione tipike të Omicron, ekipi zbuloi se njëri prej tyre (N501Y) është rezultat i përshtatjes me strukturën e receptorit ACE të njeriut dhe të miut. Tre të tjerat (Q493R, Q498R, Y505H) janë rezultat i përshtatjes vetëm në miun.

Për ekipin, bazuar në këto të dhëna, hipoteza më e mundshme për origjinën e Omicron është se “një variant i SarsCov2 që përmban mutacionin N501Y mund të ishte transmetuar nga një specie njerëzore (ose një specie tjetër kafshe) te minjtë”.