Suedia dhe Danimarka ndalojnë përdorimin e vaksinën ‘Johnson’

Keystone

Autoritetet shëndetësore suedeze dhe daneze thanë se do të presin rezultatet e hetimit të filluar nga Rregullatori evropian, transmeton albinfo.ch.

Këto dy shtete kanë ndaluar përdorimin e vaksinës së koronavirusit (COVID-19) me dozë të vetme, të prodhuar nga kompania farmaceutike amerikane Johnson and Johnson (J&J) për shkak të mpiksjes së gjakut.

Ndërkohë, epidemiologu suedez i Drejtorisë së Shëndetit Publik, Anders Tegnell, tha në një deklaratë se Rregullatori i barnave të Bashkimit Evropian (BE), Agjencia Evropiane e Barnave (EMA), po heton nëse vaksina e prodhuar nga Johnson dhe Johnson shkakton mpiksje dhe se vendi do të veprojë sipas rezultatit të hetimit.

“Ne jemi duke pritur rezultatet e hulumtimit të EMA-së dhe informacione nga SHBA-ja. Gjatë kësaj kohe, ne pezulluam përdorimin e vaksinës Johnson dhe Johnson”, tha Tengel.

Një vendim i njëjtë në lidhje me vaksinën Johnson and Johnson është marrë edhe nga Danimarka.

Administrata Daneze e Shëndetit Publik tha në një deklaratë se sipas rezultateve të hulumtimit të EMA-së, do të vendoset nëse do të përdoret vaksina.

Rregullatori i barnave i BE-së, Agjencia Evropiane e Barnave (EMA), njoftoi më 4 prill se ka filluar të hetojë nëse vaksina e zhvilluar nga Johnson dhe Johnson shkakton okluzion vaskular si rezultat i mpiksjes së gjakut.