Sulm kibernetik ndaj Kosovës

Qeveria e Kosovës ka njoftuar se dje dhe sot ka pasur probleme të kohëpaskohëshme me shërbimin e internetit në Institucionet e Republikës së Kosovës. Sipas tyre, ekipi i sektorit të sigurisë kibernetike në Agjencinë e Shoqërisë së Informacionit, në bashkëpunim me ekspertët e jashtëm kanë identifikuar se problemi me shërbimin e internetit është si pasojë e sulmit kibernetik. Sulmi kibernetik konfimohet se nuk ka depërtuar brenda infrastrukturës se rrjetit kompjuterik shtetëror, pasi që është bllokuar nga pajisjet përkatëse të sigurisë, transmeton Albinfo.ch.

“Është identifikuar që sulmi kibernetik ka ardhur dje dhe sot, ka pasur probleme të kohëpaskohëshme me shërbimin e internetit në Institucionet e Republikës së Kosovës. Ekipi i sektorit të sigurisë kibernetike në Agjencinë e Shoqërisë së Informacionit në bashkëpunim me ekspertët e jashtëm kanë identifikuar se problemi me shërbimin e internetit është si pasojë e sulmit kibernetik. Sulmi kibernetik nuk ka depërtuar brenda infrastrukturës se rrjetit kompjuterik shtetëror pasi që është bllokuar nga pajisjet përkatëse të sigurisë. Është identifikuar që sulmi kibernetik ka ardhur nga jashtë Kosovës dhe si target ka pasur IP-në, në të cilën kanë qenë të publikuar disa ueb faqe të Institucioneve të Republikës së Kosovës. Agjencia e Shoqërisë së Informacionit, gjegjësisht ekipi i sigurisë kibernetike, ka ndërmarrë veprime konkrete me qëllim të tejkalimit të këtij sulmi kibernetik dhe kthimit në funksion të shërbimit të internetit”, bën të ditur zëdhënësi i Qeverisë, Përparim Kryeziu.

Për momentin, sipas tij, gjendja është stabile, ku shërbimi i internetit si dhe shërbimet e tjera online dhe ueb faqet janë funksionale dhe të qasshme.