Sulmohen me armë tre persona në Leposaviq, një i plagosur

@policia e Kosoves

Një person është plagosur dhe dy të tjerë janë sulmuar me revole gjatë ditës së djeshme në një kompani të sigurimeve në Leposaviq, përcjell albinfo.ch.

Sipas raportit të Policisë, që të tre u sulmuan me armë zjarri nga disa persona, të cilët Policia ende nuk i ka gjetur.

I plagosuri është dërguar në spitalin e Mitrovicës dhe është jashtë çdo rreziku të mundshëm.

GRABITJE NË TENTATIVË

Leposaviq 08.12.2022 – 11:35. Viktima mashkull kosovar punëtor i kompanisë së sigurimit, ka pësuar lëndime pasi që i njëjti së bashku edhe me dy punëtor të kompanisë, nga të dyshuar deri më tani të pa njohur  janë sulmuar me armë zjarri derisa ishin në vendin e tyre të punës. Viktimës për shkak të lëndimeve, i është ofruar tretman mjekësor në spitalin rajonal.  Të dyshuarit janë larguar në drejtim të panjohur, ndërsa njësitet policore janë duke ndërmarr veprimet e nevojshme hetimore, thuhet në raportin 24-orësh të Policisë.