Sulmon në tren me thikë dhe me zjarr: 7 të plagosur rëndë!

Në mesin e të plagosurve janë, përveç vet sulmuesit, edhe një i ri 17 vjeçar, një burrë 50 dhe tri gra të moshave 17, 34 dhe 43 vjeçare. Lëndime ka marrë edhe një fëmijë 6 vjeçar

Një zviceran 27 vjeçar ka sulmuar në pasditen e sotme me thikë 7 persona në një tren në lëvizje, me ç`rast u ka shkaktuar lëndime të rënda disa prej tyre. Kjo ka ndodhur në një tren lokal që qarkullonte në linjën Alststätten-Buchs të Kantonit St. Gallen, shkruajnë mediat zvicerane

Fillimisht ai i kishte hedhur mbi kokë një gruaje një materie ndezëse të lëngët dhe pastaj kishte filluar sulmin me thikë, transmeton albinfo.ch

Në mesin e të plagosurve janë, përveç vet sulmuesit, edhe një i ri 17 vjeçar, një burrë 50 dhe tri gra të moshave 17, 34 dhe 43 vjeçare. Lëndime ka marrë edhe një fëmijë 6 vjeçar.

Për shkak të sulmit, është ndalur treni, i cili si pasojë e shpërthimit të zjarrit është tash për tash jofunksional.

Policia ende nuk ka informacione në lidhje me motivin dhe natyrën e sulmit. Ajo ka bërë me dije se ende asnjëri nga të plagosurit dhe as dorasi nuk janë në gjendje që të merren në pyetje. Policia po ashtu nuk e di se në ç`kohë dhe në ç`vend ka hipur në tren sulmuesi, kështu që mungojnë çfarëdo të dhënash për identitetin e tij.