Misioni zviceran SWISSCOY në Kosovë po kalon nga kontingjenti i 54-t në atë të 55-të, me ndërrimin e komandës mes dy drejtuesve ushtarakë, transmeton albinfo.ch.
Sipas njoftimit të Ushtrisë Zvicerane, koloneli Rudolf Mohler ia ka dorëzuar komandën e SWISSCOY-it nënkolonelit Giuliano Paschina, i cili do të udhëheqë kontingjentin e ri.
Me këtë rast, Ushtria Zvicerane ka falënderuar pjesëtarët e kontingjentit të 54-t për angazhimin e tyre, ndërsa kontingjentit të 55-t i ka uruar fillim të mbarë, suksese dhe fat në përmbushjen e detyrave.
SWISSCOY është kontingjenti zviceran që merr pjesë në misionin e KFOR-it në Kosovë, duke kontribuar në përpjekjet ndërkombëtare për ruajtjen e një mjedisi të sigurt dhe stabilitetit në vend./Albinfo.ch
