Tadiq: Kurrë nuk do t’i largojë institucionet paralele në Kosovë

Presidenti i Serbisë Boris Tadiq, në mesnatë, ka bërë një deklaratë tipike politike madje edhe kërcënuese

Ai ka deklaruar se kurrë nuk do t’i largojë institucionet paralele të Serbisë në Kosovë.

“Ne nuk do të pranojmë të largojmë institucionet tona. Kjo është e pamundur. Nëse do të bënim këtë do të pranonim që në plan afatgjatë të kishte zhvendosje të serbëve nga Kosova dhe në të njëjtën kohë do të thoshte se serbët nuk do të kishin as shkolla, as shërbim shëndetësor e social si dhe të tjera nevoja shoqërore”, ka thënë Tadiq nga Deçani për mediat serbe të Kosovës.

Shumë shtete të fuqishme, anëtare të Këshillit të Sigurimit të OKB-së, sipas tij po bëjnë presion në Serbinë që të heq institucionet nga Kosova, porse kjo nuk do të ndodhë.

Kështu Tadiq, duke shkelur premtimin, në natën e Krishtlindjeve Ortodokse, si gjithnjë deri më tash, vizitën e “fetare” e shndërroi në vizitë të qartë politike.

Boris Tadiq dhe eskorda e tij politike në Deçan është pritur me gurë dhe me protesta.