Tahiri ishkruan letër Cooperit

Shefja e ekipiti negociues të Kosovës, Edita Tahiri, ka bërë të ditur se i ka dërguar një letër ndërmjetësit të Bashkimit të Bashkimit Evropian, Robert Cooper, nga i cili ka kërkuar që sa më shpejt të ftohet në takim grupi i ekspertëve në dialogun Kosovë-Serbi për të diskutuar për heqjen e tarifave të larta të sigurimeve të automjeteve.

Në këtë kontekst, Tahiri ka propozuar që të gjendjet një zgjidhje komerciale në mes të kompanive të sigurimeve të Kosovës dhe Serbisë, shkruan “Epoka e Re”.

“Ia kam shkruar një letër Robert Cooper lidhur me tarifat e larta të sigurimeve të automjeteve. Në atë letër kam kërkua që sa më shpejt që të jetë e mundur ta thërrasë në takim grupin e ekspertëve, përkatësisht përfaqësuesit e byrove të sigurimeve (Kosovë-Serbi-BE) për t’i vazhduar diskutimet dhe për të gjetur një zgjidhje komerciale, e cila do t’u mundësojë qytetarëve të përdorin polisa të rregullta të sigurimeve të automjeteve”, ka theksuar për këtë gazetë shefja e ekipit negocuies të Kosovës, Edita Tahiri.