Të gjithë zviceranët së bashku, 130 miliardë kilometra rrugë për një vit

Siç bën të ditur Zyra Federale për Statistikë, kjo gjatësi është për 2 për qind më e madhe se një vit më parë

Vitin e kaluar njerëzit në Zvicër kanë kaluar afër 130 miliardë kilometra në rrugët automobilistike dhe ato hekurudhore në gjithë vendin. Siç bën të ditur Zyra Federale për Statistikë, kjo gjatësi është për 2 për qind më e madhe se një vit më parë, shkruan srf.ch.

Krahasuar me vitin 2000 kjo paraqet një rritje për një të katërtën.

Sipas Zyrës së përmendur Federale, qarkullim hekurudhor në vitet e fundit është rritur më shumë se ai automobilistik, rrugor.

Megjithatë, marrë në përgjithësi, edhe kilometrat e kaluara rrugore këtë vit kanë qenë dukshëm më të shumta, transmeton albinfo.ch. Trafiku publik sa i përket atij të personave ka mbetur i njëjtë ndërsa në qarkullimin e mallrave hekurudha mbetet mbrapa rrugëve automobilistike.