Të pasurve u rriten të ardhurat, të varfërve – u vendnumërojnë!

"Edhe në Zvicër, sikurse në shtetet tjera, nga rritja ekonomike përfitojnë në radhë të parë të pasurit"; konstaton studimi i OECD-së

Në Zvicër, dallimet në mes të pagave më të ulëta dhe atyre më të larta janë më të vogla se sa në shtetet tjera industrializuara. Por edhe në Zvicër, sikurse në shtetet tjera, nga rritja ekonomike përfitojnë në radhë të parë të pasurit.

Që nga kriza e madhe financiare e vitit 2008, janë rritur shumë të ardhurat e dhjetë përqindëshit më të pasur të popullatës zvicerane ndërkohë që ato të dhjetë përqindëshit më të varfër kanë mbetur pothuajse ashtu siç kanë qenë.

Një zhvillim të tillë e pasqyron analiza e fundit, e publikuar nga Organizata për Bashkëpunim ekonomik dhe Zhvillim (OECD).

Pagat me dallimet më të vogla i kanë shtetet si Islanda, Norvegjia dhe Danimarka. Ndërkaq, ndarjen më të pabarabartë të të ardhurave në mesin e shteteve anëtare të OECD-së organizata në fjalë e ka konstatuar në Çile, Meksikë dhe në SHBA.