Të rinjtë, me letër të hapur, kundër mbylljes në Zvicër

(KEYSTONE/Ti-Press/Francesca Agosta)

Pas trazirave të fundit në St. Gallen, udhëheqësit e rinj politikë i kanë shkruar një letër të hapur Këshillit Federal.

Kjo letër kërkon që të dëgjohen shqetësimet e tyre, shkruajnë mediat zvicerane, përcjell albinfo.ch.

Udhëheqësit nga grupet rinore të shumë prej partive të mëdha kanë bashkuar forcat, duke thënë se kufizimet po dëmtojnë të ardhmen e tyre.

Papunësia është rritur me 43% mes atyre të moshës midis 15 dhe 24 vjet gjatë vitit të kaluar. Arsyeja kryesore është se të sapodiplomuarit nuk janë në gjendje të gjejnë një punë dhe ata që kërkojnë një praktikë mësimi kanë frikë se mundësitë e tyre do të humbasin.

Një studim nga Universiteti i Bazelit tregon se niveli i depresionit është rritur 3%, por organizatat e krijuara për të ndihmuar ata në krizë thonë se thirrjet janë rritur ndjeshëm – dhe një e katërta e thirrjeve janë nga të rinjtë me mendime vetëvrasëse.

Të mos qenit në gjendje të shoqëroheshin me kolegët e tyre, shihet si një nga problemet kryesore. Punonjësi i rinisë, Nicole Joerg-Ratter, thotë se të rinjtë janë më të varur nga hapësirat publike si një vendtakimi, një mundësi e mbyllur për shumë prej tyre për momentin.