Të shtëna në komunën Vernier (GE): një i vdekur

Një njeri i moshës 35 vjeç u qëllua për vdekje të hënën në mbrëmje në Vernier (Gjenevë). Ai gjindej  në një institucion publik, kur një person i armatosur hapi zjarr. Ky i fundit u arrestua.

Sipas informatave paraprake, vrasja ka ndodhur pas një grindjeje mes dy burrave rreth orës 18:00. Një hetim është hapur për vrasje nga prokurori, i cili dha këtë deklaratë të shkurtër në mbrëmje. Brigada penale ka nisur dëgjimin e dëshmitarëve dhe të akuzuarve.

Prokuroria thotë se nuk do të bëjë asnjë koment më tej në këtë fazë. Sipas të përditshmes  20 Minutes,  dyshohet se ngjarja ka ndodhur në një furrë buke. Burri i arrestuar është i moshës rreth tridhjetë vjet.