Tërmet me magnitudë 5.7 godet Greqinë

Foto Ilustrim

Një tërmet i fuqishëm me magnitudë 5.7 të shkallës Rihter është shënuar pas mesnate në Greqi, përcjell albinfo.ch.

Lëkundjet janë ndier rreth orës 01:14 në zonën detare mes ishujve Nisuro dhe Tilo në Dodekanisa. Sipas Institutit Gjeodinamik të Athinës, epiqendra e tij ka qenë në një thellësi prej 14.4 km dhe 24 km në jugperëndim të ishullit Nisuros.

Sipas sizmiologëve, ka pasur një veprimtari sizmike muajin e kaluar në këtë zonë, ndaj konsiderohet si tërmeti që është pasuar nga lëkundjet e mëparshme.

Nuk ka pasur dëme në ishujt pranë epiqendrës së tij për shkak se është zonë detare, ndërsa tërmeti është ndier në gjithë Greqinë juglindore. Lëkundjet u ndien edhe në Turiq.