Thaçi u bën thirrje shqiptarëve të Luginës të dalin në zgjedhje

(KEYSTONE/Cyril Zingaro)

Presidenti i Kosovës, Hashim Thaçi, është shprehur i lumtur që i gjithë spektri politik shqiptar në Luginën e Preshevës është bashkuar dhe në procesin zgjedhor atje po garojnë me Listën e Përbashkët të Shqiptarëve.

Thaçi, nëpërmjet Facebook-ut, të gjithë bashkëkombësve shqiptarë në komunat e Preshevës, Bujanocit dhe Medvegjës u bën thirrje që të dalin masivisht në zgjedhjet e sotme dhe të votojnë për platformën e unifikuar politike të partive shqiptare.

“Duke qëndruar të bashkuar në mbrojtjen e të drejtave dhe lirive kombëtare, zëri i shqiptarëve në Luginën e Preshevës do të dëgjohet kudo. Me vetëdije të lartë kombëtare dhe të bashkuar në përgjegjësi politike e forcojmë më shumë edhe kombin tonë”, ka shkruar ai, përcjell Albinfo.ch.