Thomas Markle, mesazh prekës për Meghanin

Thomas Markle, babai i Dukeshës së Sussexit, tha se ai shkruan çdo ditë vajzës së tij, por nuk ka mundur të flasë me të që kur Meghan u martua me princin Harry.

Duke folur për “Good Morning Britain” në ITV, Markle tha se nuk e kuptonte pse Meghan Markle nuk ka dhënë sqarime se pse nuk po e kontakton atë, përcjell albinfo.ch.

Markle u ftua në martesën e vajzës së tij në maj, por duhej të tërhiqej, sepse kishte nevojë për operacion në zemër.

“Unë të dua shumë, je vajza ime dhe me të vërtetë do të doja të dëgjoja nga ti”, tha ndër tjerash ai.

74-vjeçari, i cili kurrë nuk e ka takuar dhëndrin e tij, tha se ai mbetet me shpresë se do të mund ta takojë nipin e tij të ardhshëm, i cili do të lindë në pranverë. Ndërsa Kensington Palace refuzoi t’i komentojë deklaratat e Thomas Markles.