Tifozët e pakënaqur që s’po luan Shaqiri

(AP Photo/Jon Super)

Liverpooli shënoi edhe një fitore të rëndësishme në Premierligë në garën për titullin e kampionit.

“Të Kuqtë” mundën Tottenhamin me rezultat 2:1 në çastet e fundit, duke kryesuar në Angli për të kërkuar titullin e parë pas 29 vitesh.

Edhe në këtë ndeshje nuk u aktivizua asnjë minutë ylli shqiptar, Xherdan Shaqiri.

Ndeshja e tij e fundit është më 24 shkurt ndaj Manchester United, derisa në vitin 2019 ka pasur shumë pak minuta, shkruan albinfo.ch.

Ai ka qenë në bankën rezervë në gjashtë ndeshjet e fundit të Liverpoolit.

Tifozët e Liverpoolit janë shprehur të pakënaqur që nuk po luan Shaqiri, duke reaguar në rrjetet sociale.

Madje, është bërë e pakuptueshme pse nuk po luan ylli shqiptar.

Në 21 paraqitje deri tash për Liverpoolin në Premier Ligë, Shaqiri ka shënuar gjashtë herë.