Tjetër vendim në Austri për të pavaksinuarit

Austria ka parë një rritje dramatike të infeksioneve kohët e fundit

Austriakët që nuk janë vaksinuar kundër Covid-19 së shpejti nuk do të lejohen më në zona të mëdha të jetës publike, njoftoi qeveria.

Miratimi i rregullave, sipas të cilave një person duhet të vaksinohet ose të kurohet nga një infeksion koronavirus për të vizituar bare, restorante, parukeri, evente dhe objekte turistike u ra dakord pas një takimi me drejtuesit e nëntë shteteve.

Austria ka parë një rritje dramatike të infeksioneve kohët e fundit.

Numri i raportuar nga zyrtarët qeveritarë gjatë 24 orëve deri të premten ishte 9 388, pak më poshtë nga numri rekord prej 9 586 një vit më parë, shkruan ATSH, transmeton albinfo.ch.

“Situata është e jashtëzakonshme dhe zënia e shtretërve të kujdesit intensiv po rritet shumë më shpejt se sa pritej. Është thjesht përgjegjësia jonë të mbrojmë njerëzit në vendin tonë”, tha kancelari Alexander Schallenberg

Në Austri, 66.5% e popullsisë është plotësisht e vaksinuar.

---