Trajneri tregon të ardhmen e Shaqirit

Jurgen Klopp ka treguar nëse futbollisti shqiptar do të largohet gjatë dimrit

Xherdan Shaqiri nuk ka pasur shumë minuta në këtë edicion.

Realisht kriza kishte filluar nga janari i këtij viti dhe tashmë Shaqiri jo vetëm që nuk është titullar, por është inkuadruar shumë pak, përcjell albinfo.ch.

Kjo ka bërë që të flitet se ylli shqiptar do të largohet në janar.

Megjithatë, trajneri gjerman i Liverpoolit, Jurgen Klopp, ka thënë të kundërtën.

“Përse më duhet të flas për diçka që nuk është interesante për ne. Ai qëndroi pesë javë i lënduar dhe nuk ka mundur të luajë. Para lëndimit, po, mbase kemi folur se ai nuk po luante aq sa dëshironte. Kjo është e gjitha. Nuk kam çfarë të shtoj. Kur jam me të, ai është plotësisht i lumtur këtu”, është shprehur Klopp.

“Natyrisht se Shaqiri e ka të ardhmen këtu. Ai është lojtar shumë, shumë i rëndësishëm për Liverpoolin”, ka deklaruar Klopp.

---