Tregu “hallall” lulëzon edhe në kompanitë zvicerane

Kompanitë zvicerane dhe evropiane, aktive në industrinë e ushqimit, farmaceutike dhe kozmetike duhet të ndryshojnë disa përbërës themelorë dhe mënyrën se si ata prodhojnë në qoftë se kanë në plan të investojnë në vende ku ka shumë myslimanë. Ata mund të llogarisin në shërbimet e ofruara nga kompanitë e reja zvicerane të specializuara në ofrimin e certifikatës “hallall”.

Disa kompani të mëdha zvicerane tashmë veprojnë në këtë treg, si Merck, Nespresso, Givaudan, Emmi, Firmenich, Stella, DSM dhe Lindt. Dhjetëra kompani janë të specializuar në prodhimin e komponenteve të certifikuar me bazë hallall, të tilla si shijet, sheqeri ose kripa.

Në vitin 2013 vlera e tregut hallall ndërkombëtar ka arritur në 710 miliardë franga zvicerane në fushën e ushqimit dhe 130 miliardë franga në fushën e farmaceutikës dhe ilaçeve. Për më tepër, Nestlé beson se mundësitë e krijuara nga tregu hallall në mbarë botën janë për më shumë se 2.500 miliardë franga.
Dhe në këtë treg pritet të rritet me 20 deri 25% deri në fund të dekadës, vetëm në Evropë. Aktualisht, 85 nga 456 fabrika të Nestlé-së në mbarë botën janë të licencuara me produkte hallall me vlerë prej 5.3 miliardë frangash. Gjë që përfaqëson 5% të shitjeve totale të gjeneruara nga udhëheqësit botërorë në industrinë ushqimore. Harta e mëposhtme jep një ide të qartë të madhësisë së tregut për produktet hallall si dhe për vlerën e tyre financiare në botë (2012).