TripAdvisor: Saranda, vendi i dytë në botë për pushime

Foto: bluewin.ch

TripAdvisor, platforma më e madhe e udhëtimit në botë, pak para shpalljes së pandemisë globale publikoi fituesit e çmimit “2020 Travelers’ Choice Awards for Destinations” (Zgjedhjen e Udhëtarëve për Destinacionet e vitit 2020).

Në renditjen e TripAdvisior, qyteti i Sarandës renditet në vendin e dytë, që duhet vizituar këtë vit.

Në vendin e parë të TripAdvisor, është krahina ruse e Kaliningrad, pas saj vjen Saranda dhe pas saj Bejruti i Libanit.

Vlerësimi bëhet sipas destinacioneve që panë rritjen më të madhe të vlerësimeve pozitive dhe sipas kërkesës së turistëve.

Vlerësimi i platformës TripAdvisor është realizuar duke u bazuar në kritere siç janë: rritja e vlerësimeve pozitive dhe kërkesat që kanë turistët.

Por për shkak të situatës së krijuar nga koronavirusi, autoritet po këshillojnë qytetarët e tyre që t’i kalojnë pushimet brenda vendit, për të shmangur rrëzikun e një infektimi të mundshëm.

Ndëkohë Greqia që e ka turizmin shtyllën e ekonomisë, ka deklaruar se do të mirëpresë turistët. Ata do të mund të vizitojnë Greqinë këtë verë, por rregullat e distancimit social do të mbeten në fuqi për t’i mbajtur njerëzit të sigurt nga koronavirusi. Vendi do të marrë masa paraprake të rrepta.

Saranda, perla e rivierës shqiptare, është një ndër destinacionet e preferuara jo vetëm nga turistët e huaj, por edhe për shqiptarët e Diasporës.

Qyteti i Sarandës ka plazhe mahnitëse dhe ujin si kristal. Plazhi i Pllakave, plazhi i Manastirit, plazhi i Pasqyrave dhe ai i Ksamilit ofrojnë për turistët gjatë verës pushime mbresëlënëse. Përveç diellit e plazhit, Saranda njihet dhe për historinë dhe kulturën e saj. Parku Arkeologjik i Butrintit nxit kureshtjen e turistëve të shumtë me historinë e tij mijëravjeçare.

TripAdvisor, plarforma më e madhe e udhëtimit në botë e ka përzgjedhur Sarandën si një nga destinacionet e vitit 2020.

Vlerësimi

Saranda e cila konsiderohet si një nga vendet më të bukura të rivierës shqiptare, dhe destinacionet më argëtuese është renditur shpesh herë gjatë viteve të fundit, në listën e vendeve që duhen vizituar. Media italiane e ka renditur më herët ndër 10 qytet europiane që duhen vizituar, shkruan Diasporashiptare.al, përcjell Albinfo.ch.