Trump synon të “largojë” katër vende nga BE, sipas një dokumenti të përfolur sekret të SHBA-së

pixabay

Sipas një dokumenti të dyshuar sekret, administrata e ish-presidentit Donald Trump planifikon të ndikojë në të ardhmen e Europës duke mbështetur qeveri konservatore dhe duke nxjerrë disa vende nga Bashkimi Evropian.

Dokumenti, i cili mohohet nga Shtëpia e Bardhë, përmend veçanërisht Austrinë, Hungarinë, Italinë dhe Poloninë si shtetet me të cilat SHBA duhet të krijojë lidhje më të ngushta. Qëllimi, sipas dokumentit, është që këto vende të mbështesin sovranitetin dhe vlerat tradicionale evropiane, duke ruajtur lidhjet pro-amerikane, dhe në të njëjtën kohë të ndahen gradualisht nga BE-ja, shkruan 20 min.ch transmeton albinfo.ch.

Strategjia sugjeron gjithashtu një fokus më të madh mbi hemisferën perëndimore dhe një bashkëpunim të ngushtë me “kampionët rajonalë” për stabilitetin global, duke hequr dorë nga ambicia për hegjemoni absolute.

Ky dokument përmban edhe moton “Bëje Europën të Madhe përsëri”, e frymëzuar nga lëvizja MAGA, dhe propozon selektivisht partneritete me qeveri dhe lëvizje të djathta, duke shmangur vendet që sipas SHBA-së nuk ndajnë të njëjtat vlera.

Shtëpia e Bardhë ka mohuar ekzistencën e versionit të dytë të strategjisë, duke theksuar se vetëm Strategjia Kombëtare e Sigurisë (NSS) zyrtare është në fuqi.