Trumpi i ”mbyti” ëndrrat një fëmije 7-vjeçar

Presidenti amerikan,  Donald Trump dhe Zonja e Parë Melania Trump biseduan me fëmijët nga vendi duke iu përgjigjur telefonatave të tyre në kuadër të aktiviteteve për Krishtlindjeve.

Përgjigjja që Trump i dha një fëmijë shtatëvjeçar me emrin Coleman, i cili tha se beson në Babadimër, u bë një nga temat më të përfolura në rrjetet sociale. “A beson ende në Babadimër?”, e pyeti Trump fëmijën, duke shtuar: “Sepse të besosh në Babadimër në moshë shtatëvjeçare është e padobishme, apo jo?”.

Në videon e shpërndarë në rrjetet sociale, Trump, i cili dëgjonte fëmijën, shihet duke buzëqeshur dhe duke i thënë atij të kënaqet, shkruan albinfo.ch

Trump dhe bashkëshortja e tij pranuan telefonatat e fëmijëve që dëshironin të dinin “se ku ndodhej Babadimri në rrugëtimin e tij për ndarjen e dhuratave”, në kuadër të programit tashmë tradicional “Ndiq babadimrin” i cili është zhvilluar nga Komanda e Mbrojtjes Aero-hapësinore e Amerikës së Veriut. Në një telefonatë tjetër, Melania Trump i tha njërit prej fëmijëve se Babadimri ndodhet në Saharë.