Trumpi përgëzon kryeministrat Zaev e Tsipras për marrëveshjen  

Presidenti i SHBA-së, Donald Trump, u ka dërguar letër kryeministrave të Greqisë dhe të Maqedonisë së Veriut, të cilët i ka përgëzuar për arritjen e marrëveshjes së Prespës.

“Është një arritje historike për Ballkanin, si dhe dëshmi e guximit të qeverisë suaj”, thekson ai në letrën dërguar ndaj Alesis Tsipras, duke nënvizuar rolin e Greqisë si një shtyllë stabiliteti në një zonë problematike, ku ky pakt do të frymëzojë vendet e tjera për të zgjidhur çështjet e ndërlikuara dypalëshe, përcjell albinfo.ch.

Ndërsa, në letrën dërguar kryeministrit Zoran Zaev, Trum shprehet se bëhet fjalë për një prej arritjeve më historike në Ballkan, prej Marrëveshjes së Dejtonit.