Atraksione në Pejë dhe Rugovë

Çfarë përfshin oferta e tureve ditore nëpër Pejë dhe Rugovë? Atraksionet kryesore janë: Shtegu i Mushkave, Zip Line, Ujëvara-Drini i Bardhë dhe Shpella e Radacit «Bukuroshja e fjetur».

Do të magjepsesh nga pamja panoramike e Grykës së Rugovës që e shijon duke ecur nëpër Shtegun e Mushkave rreth 4.6km të gjatë (1h 45m). Më pas vijmë tek aktiviteti i dytë: kapërcimi mbi Lumin e Bardhë me Zip Line, ku përjeton ndjesinë e fluturimit përgjatë kabllos së çeliktë 640m.

A e ke ditur se mund të arrish shpejtësinë deri në 60km/h? Më pas, do të vazhdojnë rrugëtimin dhe për 11 km në veri të Pejës, për në Parkun Natyror të Drinit të Bardhë.

Atje do të vizitojmë ujë varën më të madhe në rajon dhe burimin e këtij lumi që ka gjatësi prej 174km dhe përfundon në Detin Adriatik pranë Shkodrës. Vazhdojmë për 200m në shtegun që të afron tek një nga mrekullitë e botës nëntokësore të Kosovës: Shpella «Bukuroshja e Fjetur».

Kjo shpellë është një mrekulli me dekorime të skalitura në shkëmbinj dhe me një histori të bujshme prej 6,000 vjetësh. Në kthim vizitojmë mullirin 200 vjeçar me ujë, të Bërdynajve.

https://outdoorkosova.com/web/

Foto: PPSE Kosova

Artikulli  është publikuar në magazinës albinfo.ch, numrin special të verës 2020 (Qershor-Korrik)

---