Turne i futbollit në Freiburg të Gjermanisë, nderohet Vokrri

Golashënuesi më i mirë ishte Mirsad Hajdaraj, kurse portier Labinot Zaiti, të cilët u nderuan me medalje nga organizatori

Në Freiburg të Gjermanisë është organizuar një turne i futbollit nga Shoqata Kulturo-Sportive-humanitare “Kosova”.

Kryetari i Shoqatës, Rasim Krasniqi, ka falënderuar të gjithë të pranishmit dhe klubet pjesëmarrëse. Në këtë turne ishin më shumë se 500 pjesëmarrës, nga të dy gjinitë, shkruan albinfo.ch.

Para fillimit të turneut u mbajt një minutë heshtje në nderim të legjendës Fadil Vokrri, i cili ndërroi jetë kohë më parë. Disa nuk mund të mbanin lotët, si Baca Zymer me mbi 80 vitet e tij. Ai gjithmonë është pjesë e organizimeve të kësaj shoqate.

Interesimi ishte i jashtëzakonshëm, madje, kishte klube të interesuara edhe pasi kishte skaduar afati.

Mbi 24 skuadra ishin të interesuara për këtë turne, kurse disa të tjerë po shikonin fotografitë e dy shtëpive që janë në përfundim e sipër, nga organizata Kosova Fr. Kishte shumë të interesuar që t’i bashkoheshin këtij aksioni humanitar.

Gjithçka në këtë turne ishte shqip, madje edhe muzika që shoqëronte të pranishmit.

Ky turne ka një traditë të vjetër nga kjo shoqatë, edhe pse qëllimi nuk është garimi, por takimi i mërgatës, njohja me njëri-tjetrin dhe bashkëpunimi i tyre.

Në fund plasmani përfundimtar ishte:

1. Mitrovica
2. A-Z Trockenbau
3. Strasburg

Golashënuesi më i mirë ishte Mirsad Hajdaraj, kurse portier Labinot Zaiti, të cilët u nderuan me medalje nga organizatori.