Turqit e Zvicrës nuk e votojnë Erdoganin

Këtu, pak mbi 50 për qind e atyre që kanë shfrytëzuar të drejtën e votës kanë votuar për partinë prokurde HDP dhe vetëm 27% për partinë e presidentit turk, Recep Tayip Erdogan

Keystone

Fitorja e Erdoganit, gjegjësisht partisë së tij konservative islamike AKP në zgjehdjet që u bajtën dje në Turqi është tashmë fakt i konfirmuar. Por një trend krejtësisht i ndryshëm është regjistruar në mesin e shtetasve të Turqisë në Zvicër. Këtu, pak mbi 50 për qind e atyre që kanë shfrytëzuar të drejtën e votës kanë votuar për partinë prokurde HDP dhe vetëm 27% për partinë e presidentit turk, Recep Tayip Erdogan, ka raportuar agjencia turke e lajmeve Anadolu, transmetojnë mediet zvicerane.

Njëra ndër arsyet për këtë dallim të madh në mes të rezultateve duhet të jetë ajo se në Zvicër jetojnë shumë shtetas turq me përkatësi etnike kurde. Por ka po ashtu edhe një pjesë e mirë e turqve etnikë me orientim majtist, që votën e tyre nuk ia japin Erdoganit.

Ndryshe ka qenë në Gjermani. Në këtë vend me numrin më të madh të turqve jashtë Turqisë, mbi 59% të turqve kanë votiar për AKP-në e Erdoganit dhe vetëm 16% për HDP-në prokurde. Kjo parti ndërkq në vetë Turqinë ka fituar vetëm 10% të votave.