‘Uber’ ndalohet në Gjermani

Kompania gjermane Uber ndalohet të operojë në Gjermani

Një gjykatë gjermane ka ndaluar kompaninë ‘Uber’, me qendër amerikane, që të operojë nëpërmjet një aplikacioni mobil, me arsyetimin se kompania nuk ka lejet e nevojshme për të transportuar pasagjerë në qytetet gjermane.

Kompania gjermane Uber operon në shtatë qytete, përfshirë Frankfurtin, Berlinin dhe Mynihun dhe punon ekskluzivisht me kompani të licencuara të marrjes me qira të makinave, përcjell albinfo.ch

«Business Insider» thekson se vendimi i gjykatës gjermane është një hap i ri prapa për Uber, pasi kompania humbi lejen e punës në Londër gjatë muajit nëntor.

Uber ka të drejtë të apelojë aktvendimin e gjykatës gjermane, e cila hyri në fuqi menjëherë.

“Ne do ta vlerësojmë vendimin dhe do të përcaktojmë hapa të mëtutjeshëm për të ofruar më tej shërbimet tona”, tha një zëdhënës i Uber.

---