Ukrainasve u dhanë më pak para se refugjatëve të tjerë në Zvicër

(AP Photo/Vadim Ghirda)

Analiza e gazetës SonntagsZeitung pretendon se refugjatëve ukrainas ndonjëherë u jepen shumë më pak para nga disa kantone sesa refugjatët e tjerë që përfundojnë në Zvicër, raporton 20 Minutes.

Ndërsa Zvicra ka vendosur një proces të shpejtë azili për ukrainasit, i cili shpejt u siguron atyre një vizë S që u jep të drejtën për të punuar në Zvicër, shumat e parave që u jepen atyre që vijnë nga vendi i shkatërruar nga lufta raportohet se ndonjëherë janë më pak se gjysma e asaj që u jepet refugjatëve nga kombet e tjera, përcjell albinfo.ch.

Për shembull, një nënë ukrainase e dy fëmijëve iu dha 865 CHF në muaj për të mbuluar shpenzimet bazë të ushqimit, higjienës, veshjeve dhe transportit. Nëse ajo do të kishte ardhur si refugjate e rregullt, ajo do të kishte marrë 1800 CHF, më shumë se dyfishi i shumës që merr, raportoi gazeta, përcjell tutje albinfo.ch.

Disa politikanë zviceranë e kanë kritikuar këtë trajtim të pabarabartë. Andreas Glarner, një parlamentar nga UDC/SVP, një parti që zakonisht mban një qëndrim të ashpër ndaj imigracionit, e përshkroi nivelin e mbështetjes financiare të dhënë për refugjatët ukrainas si të dobët. Nëse shuma është shumë e ulët, ne duhet ta rrisim atë, tha ai. Këta janë refugjatë të vërtetë dhe ne duhet të sigurohemi që ata të trajtohen mirë.