Ulqini bëhet me Zyrë për Diasporën

Komuna e Ulqinit synon për të krijuar infrastrukturën e nevojshme për mërgimtarët.

Në këtë vazhdë, Komuna e Ulqinit ka njoftuar për hapjen e një zyre për bashkëpunit me Diasporën, e cila ekskluzivisht do të merret me mërgimtarët, raporton albinfo.ch.

Në një njoftim të zyrës së kryetarit të Komunës së Ulqinit, Fatmir Gjeka, thuhet se qëllimi i krijimit saj  është të ndihmojë në fuqizimin e marrëdhënieve me diasporën si dhe të promovojë pjesëmarrjen e diasporës në të gjitha zhvillimet lokale.

« Ruajtja dhe kultivimi i indetitetit kombëtar, gjuhësor, kulturor dhe arsimor të pjestarëve të diasporës dhe lidhëshmërinë e tyre me Komunën e Ulqinit », thuhet se është njëra nga qëllimet e kësaj zyre e cila do të nihmojë në hartimin, zbatimin dhe kordinimin e studimeve, hulumtimeve të programeve në fushën e migracionit.

« Informacione, kordinim dhe përkrahja e investimeve të diasporës në Ulqin“, është thënë se do të jetë qëllimi tjetër i Zyrës për Diasporën në Ulqin.

Pastaj në njoftim të kryetarit të Komunës së Ulqinit, Fatmir Gjeka, thuhet se në bashkëpunim me institucionet tjera do të bëhet edhe regjistrimi i mërgimtarëve ulqinakë.

Zyra në fjalë do të merret edhe me veprimtari tjera, të cilat do të shërbejnë për lidhjen e Ulqinit me diasporës.

Më shumë informacione në dokumentin e mëposhtëm :