Uta Ibrahimi, gruaja e parë ballkanase që prek lartësinë 8611 m

Uta Ibrahimi, alpiniste e njohur nga Kosova përfundoi edhe ngjitjen e saje të radhës me lartësi 8,611 m, dhe e ka renditur “Malin e egër” në vendin e 11 në listën e saj të projektit 14/8000.

Ajo vazhdon të jetë gruaja e parë në Ballkan që ngrit flamujt e dy shteteve, duke shkëlqyer. Kjo arritje po konsiderohet si një moment historik ndër të tjera, që i ka dhënë një frymëzim të fuqishëm komunitetit alpinist shqiptar, transmeton albinfo.ch.

“Përkushtimi dhe vendosmëria e Uta Ibrahimi tregojnë se ajo është një udhëheqëse e vërtetë dhe një shembull frymëzues për të gjithë ne që kërkojmë të kalojmë kufijtë dhe të bëjmë ëndrrat tona realitet”, thuhet në njoftimin e faqes Utalaya.