Valentina Aliu zgjidhet në ekzekutivin e komunës së Noville

Valentina Aliu zgjidhet në ekzekutivin e Novilles, duke shënuar një hap të rëndësishëm për përfaqësimin e komunitetit shqiptar në Zvicër

Më 8 mars, Valentina Aliu është zgjedhur në ekzekutivin (municipalitetin) e komunës së Noville, pas mbështetjes së marrë nga votuesit e kësaj komune, shkruan albinfo.ch. 

Aliu, sipërmarrëse dhe e pavarur në fushën e fiduciarisë, vjen në këtë detyrë pas një përvoje të rëndësishme institucionale. Gjatë legjislaturës 2021–2026, ajo ka qenë anëtare e këshillit komunal, duke kontribuar veçanërisht në Komisionin e Financave dhe Menaxhimit.

Zgjedhja e saj në ekzekutiv përfaqëson një hap të rëndësishëm për përfaqësimin e komunitetit shqiptar në nivel lokal në Zvicër, duke dëshmuar edhe një herë integrimin dhe rolin aktiv të shqiptarëve në jetën publike të vendit.

Në një prononcim, Aliu shpreh mirënjohjen për besimin e qytetarëve të Noville dhe angazhimin për të punuar në të mirë të komunitetit./Albinfo.ch 

---