Vazhdon protesta e studentëve në Shqipëri

Studentet në Shqipëri kanë vazhduar protestën për të 17-tën ditë radhazi me kërkesat e tyre tashmë të njohura.

Ata janë grumbulluar përpara Kuvendit, në të cilin është kthyer opozita. Ata vazhdojnë të kërkojnë plotësimin e 8 pikave dhe nuk kanë pranuar të dialogojnë me kryeministrin, përcjell albinfo.ch.

Protesta fillimisht është zhvilluar përpara Ministrisë së Arsimit dhe Sporteve, me pas studentët kanë bllokuar disa rrugë të kryeqytetit, ndërsa ditët e fundit protesta është zhvendosur përpara Kryeministrisë.

Në fjalimet e tyre studentët bënë thirrje që protesta e tyre të mos ketë ngjyrime politike. “Çdo shqiptar të lërë partitë, mos bëni thirrje partiake, por bëni thirrje për mbrojtje të kauzës sonë”, kanë thënë ata.